Almatyda múgedektigi bar balalarǵa arnaýly kómek kórsetýdiń tólem mólsheri bekitilmek
ASTANA. QazAqparat – Almatyda múgedektigi bar balalarǵa arnaýly psıhologııalyq-pedagogıkalyq qoldaý kórsetetin mamandarǵa óńirlik bıýdjet esebinen beriletin tólem kólemi bekitilmek, dep habarlaıdy QazAqparat tilshisi.
«Almaty qalasynyń 2023 jylǵa arnalǵan bıýdjet qarajatynyń kólemderi sheginde múmkindigi shekteýli balalardy arnaýly psıhologııalyq-pedagogıkalyq qoldaýǵa memlekettik bilim berý tapsyrysy bekitilsin», - delingen «Ashyq» NQA prtalynda jarıylanǵan ákimdik qaýlysynda.
Qujatta kórsetilgendeı, qazir arnaıy psıhologııalyq-pedagogıkalyq kómek alý úshin 1 433 múgedektigi bar bala kezekte tur.
Qalalyq bilim basqarmasy 1 bala úshin saǵatyna mamannyń jumysy úshin mynadaı soma bólýdi usyndy:
Psıholog – 7 216 teńge (1 saǵat jeke sabaq úshin);
Logoped – 7 619 teńge (1 saǵat jeke sabaq úshin);
Defektolog – 7 755 teńge (1 saǵat jeke sabaq úshin);
Tıflopedagog – 7 729 teńge (1 saǵat jeke sabaq úshin);
Olıgofrenopedagog – 7 917 teńge (1 saǵat jeke sabaq úshin);
Sýrdopedagog – 7 593 teńge (1 saǵat jeke sabaq úshin);
Emdik dene shynyqtyrý nusqaýshysy – 7 212 teńge (1 saǵat jeke sabaq úshin).
Ákimdik qaýlysy 22 sáýirge deıin kópshilik talqylaýda bolady.
