Almatyda múgedekterge arnalǵan taksı men arbalarǵa 317 mln teńge bólindi
ALMATY. QazAqparat - Almatyda máslıhattyń kezekten tys sessııasynda megapolıstiń bıylǵy bıýdjeti naqtylandy, dep habarlaıdy QazAqparat tilshisi.
Engizilgen ózgeristerden keıin bıýdjet kólemi - 426,2 mlrd teńgeden 529,1 mlrd teńgege deıin arttyryldy.
Qalalyq Ekonomıka jáne bıýdjettik josparlaý bóliminiń basshysy Іlııas Óserovtyń aıtýynsha, salyqtan tys túsimder, aıyppuldar men ózge de salalar boıynsha bıýdjette qosymsha qarajattar paıda bolǵan.
«Memlekettik satyp alýlardan 2 mlrd teńge, qaıta úlestirýden 5,3 mlrd teńge únemdeldi. Sonymen qatar, negizgi kapıtaldy satý - salyqtyq emes bólikti asyra oryndaýdan - 1,7 mlrd teńge, qarjylyq aktıvterdi satýdan 600 mln teńge túsim boldy», - dedi Іlııas Óserov.
Qalada salyq túsimi 143 mlrd teńgege óskeni belgili boldy. Bul ótken jylmen salystyrǵanda 13 paıyzǵa kóp, onyń 6 paıyzy shaǵyn jáne orta bıznes esebinen boldy.
Artylǵan soma qalanyń qajettiligine jumsalady. Basqarma basshysynyń sózinshe, áleýmettik salaǵa 2,8 mlrd teńge bólinbek. Múmkindigi shekteýli azamattardy arbamen, taksı qyzmeti jáne úı kómekshisimen qamtamasyz etý úshin 317,8 mln teńge bólingen.
«Jedel járdemdi shaqyrý jıilep ketti. Osyǵan oraı qosymsha 300 mıllıon teńge bólindi. Sebebi repýblıka bıýdjetinen bólingen qarajat qosymsha qajettilikterdi óteı almaı tyr. Sondyqtan jergilikti bıýdjetten qarjylandyrýǵa týra keledi. Bıyl 8 aýdandaǵy joldy jóndeýge memlekettik-jekemenshik seriktestik aıasynda kelisimshart jasasyp, oǵan 400 mln teńge bólindi. ıAǵnı bıyl taǵy birqatar jol qosymsha jóndeletin bolady»,-dedi Іlııas Óserov.
