Almatyda múgedek stýdentti urǵan jigit oqýdan qýyldy
«Іshki tekserý jumystarynyń nátıjesinde «Turan» ýnıversıtetiniń 2 kýrs stýdenti Ermahan Óserov oqýdan qýyldy. Mundaı sheshim stýdenttiń tártibine baılanysty shyǵaryldy», - dep málim etti ýnvıersıtettiń qabyldaý bólimindegiler.
Eske sala ketsek, sırek genetıkalyq aýrýmen aýyratyn stýdent Samat Ramazanovty Turan ýnıversıteti jataqhanasyndaǵy kórshisi soqqyǵa jyqqan edi.
Samat Ramazanov Ulttyq pedıatrııa jáne balalar hırýrgııasy ortalyǵynyń balalar onkologııasy bóliminde saıqymazaq bolyp jumys jasaıdy.
Bul oqıǵadan soń jábirlenýshi Bostandyq aýdany polıtsııa basqarmasyna aryzdandy.
«Ramazanovtyń aryzyn Bostandyq aýdandyq polıtsııa basqarmasy qabyldap aldy. Qazir tergeý amaldary júrip jatyr. Tergeý aıasynda sot medıtsınalyq saraptama taǵaıyndalady. Saraptama qorytyndysyna sáıkes protsessýaldy sheshim qabyldanatyn bolady», - dedi qalalyq Polıtsııa departamentinen.
