Almatyda múgedek áıelderdiń quqyqtaryn qorǵap, múmkindikterin kóteretin jospar iske aspaq
Bul jaıynda búgin ótken semınarda aıtyldy, dep habarlaıdy QazAqparat.
Joba Eýropalyq Odaqtyń qarjylandyrýymen, ÚEU-dy zertteý jáne úıretý boıynsha halyqaralyq ortalyǵymen (INTRAK) birlese otyryp, ári Qazaqstandyq menedjment, ekonomıka jáne boljaý ınstıtýty jáne «Shańyraq» múgedek áıelder qaýymdastyǵymen júzege asyrylady. Sonymen qatar, joba Astana qalasynyń múgedek balalar qoǵamy men atyraýlyq «Múgedek álemi» qoǵamdyq birlestigimen úılestiriledi.
«Eldegi múgedekter qaýymdastyǵy jurtshylyqqa qajetti, paıdaly jobalardy iske asyrýda. Esh qıyndyqqa qaramastan, olardyń alǵa jyljýy kóp nárseni ańǵartady», deıdi INTRAK jobasynyń Ortalyq Azııadaǵy dırektory Charlz Bakston.
Shara aıasynda bilim berý jáne oqytý kýrstarynyń sheńberinde jelilik birlestik qurý, memlekettik organdarmen qarym-qatynas jasaý, múgedektik salasyndaǵy áleýmettik baǵdarlamalardy jetildirý jáne memelkettik apparat organdaryna yqpal etý boıynsha óz daǵdylaryn jetildirmek.
Naýryzdyń 18-21 aralyǵynda Almatyda jattyqtyrýshylarǵa arnalǵan semınar-trenıg ótedi. Onda olarǵa genderlik teńdik jáne múgedekterdiń qoǵamdaǵy orny máseleleri jónindegi trenıngterdi qalaı ótkizý kerektigi týraly talqylap, tájirıbelik bilim men ádisterimen almasady. Sonymen qatar kýrstarǵa arnalǵan baǵdarlamalardy qarastyryp, berilgen saladaǵy aımaqtyq jáne halyqaralyq tájirıbeni úırenedi.
