Almatyda muǵalimder jalaqysyn ala almaı júr

ALMATY. QazAqparat - Almatydaǵy mektepterdiń birinde muǵalimderge jalaqy tóleý keshiktirildi, dep habarlaıdy QazAqparat tilshisi.

Megapolıstegi №160 orta mektep muǵalimderiniń jalaqysyn ýaqytynda tólemeý máselesi áleýmettik jelide jarııalandy.

«Qarasý» shaǵynaýdanynda ornalasqan №160 orta mektebinde muǵalimderge jalaqy tólemeı jatyr. Dálirek aıtsaq, olar qyrkúıek aıyndaǵy jalaqylaryn alǵan joq. Mektep dırektory jyl sońyna deıin keshigýler bolatynyn aıtqan»,- dep jazdy jeli qoldanýshy.

Almaty qalalyq bilim berý basqarmasy jaǵdaıǵa qatysty túsinikteme berdi.

«Bıýdjettik qarajatty durys josparlamaý saldarynan muǵalimderdiń jalaqysy kesh tólendi. Búgingi kúnge deıin muǵalimder aldyndaǵy qaryz tolyq tólendi», - dep habarlady bilim basqarmasynan.