Almatyda muǵalimder men oqýshylarǵa 10 myńnan astam kompıýter berildi
«Bul karantın kúndelikti ómirimizdegi barlyq salaǵa, sonyń ishinde bilim berý protsesine de ózgeris engizdi. Tótenshe jaǵdaı rejıminiń birinshi kúninen-aq mektepterdi qashyqtan oqytýǵa kóshirýge daıarlaı bastadyq. Eń aldymen muǵalimderge arnalǵan trenıngter ótip, 99% nemese 273 myń oqýshyny qamtyǵan synaq sabaqtary uıymdastyryldy. «Almaty» telearnasynan kórsetýge bolatyn 100-den asa beınesabaq ázirlendi»,- dep jazdy ákim.
Sondaı-aq, ol qashyqtan oqytý úshin muǵalimder men oqýshylarǵa 10 myńnan astam kompıýter berilgenin aıtty.
Tehnıkalyq jabdyqqa keler bolsaq, karantın kezinde mektepterdegi 10 myńnan astam kompıýter muǵalimder men oqýshylarǵa berildi. Qosymsha úsh myń noýtbýkty satyp alý máselesi sheshilýde. Úıinde tórt jáne odan da kóp oqýshy balasy bar jáne barlyǵynyń bir kompıýterden bilim alýǵa shamasy jetetin otbasylar bar. Olardy qosymsha tehnıkamen qamtamasyz etetin bolamyz. Baılanys operatorlarymen birlesip, tórt myń oqýshy men 700 muǵalimge ǵalamtor jelisiniń qoljetimdi bolýyn qarastyrýdamyz»,– deıdi Baqytjan Saǵyntaev.
Baqytjan Saǵyntaev ata-analardan qoldaý kórsetýlerin surady.
«Ata-analardyń balalarǵa qoldaý kórsetip, muǵalimderdiń onlaın sabaǵyn ótkizýine kómektesýin suraımyn. Úıde otyrsaq ta, ózimizdi jan-jaqty damytyp, ári koronavırýstyń beleń almaýyna úles qosyp jatyrmyz»,– dep jazdy shahar basshysy.
