Almatyda muǵalimder mektepte júr degen aqparat jalǵan - basqarma
ALMATY. QazAqparat – Almaty qalalyq Bilim berý basqarmasy basshysynyń orynbasary Gúlnar Aıtqulova karantın kezindegi bilim berý basqarmalarynyń jumys tártibi týraly aıtty, dep habarlaıdy QazAqparat tilshisi.
«Qalalyq bilim basqarmasy tarapynan is-áreket algorıtmi jasalǵan. Atap aıtqanda, mektep jasyna deıingi balalarǵa mektepke kelýge tyıym salynǵan. Buǵan deıin ata-analardyń qalaýyna qaraı kelýge ruqsat bolatyn. Endi karantınge baılanysty baqshalar jabyldy», - dedi onlaın brıfıng kezinde Gúlnar Aıtqulova.
Basqarma ókili muǵalimder mektepte kezekshilikte júr degen qaýesetti joqqa shyǵardy.
«Olar qazir úılerinde. Oqýshylarmen qashyqtan baılanysyp jatyr. Bilim basqarmasy QR BǴM buıryǵyna sáıkes múǵalimder men tárbıeshilerdiń jalaqysyn saqtaý týraly buıryq shyǵardy. Bilim mekemeleriniń basshylaryna qyzmetkerlerdiń aqyly demalys alam degen qalaýyn oryndaýǵa usynys berildi», - dedi basqarma basshysynyń orynbasary
Búgingi tańda Qazaqstanda koronavırýspen aýyratyndar sany 35-ke jetti. Onyń ishinde 17 jaǵdaı - Almatyda, 18 fakti - Nur-Sultanda tirkelip otyr.
