Almatyda muǵalimder arasynda Digital Ustaz Almaty atty jańa baıqaý bastaldy
Baqytjan Saǵyntaev qatysýshylar aldynda sóılegen sózinde forýmda dástúrli formattaǵy jumysty jańǵyrtý úshin alda turǵan mańyzdy mindetterdiń talqylanǵanyn atap ótti.
«Bul mindetterdi tıimdi sheshýde basty ról muǵalimderge tıesili. Sondyqtan jańa oqý jylynda biz muǵalimderdi qoldaý sharalaryn júzege asyrýdy jalǵastyramyz, birinshi kezekte olardyń kásibı sheberliginiń ósýin yntalandyramyz», – dep atap ótti megapolıs ákimi Baqytjan Saǵyntaev.
Onlaın-oqytý tájirıbesi búginde mektepterdiń jańashyldyqqa, ınnovatsııaǵa ashyq, ózin únemi damytýǵa jáne shyǵarmashylyq ósýge umtylatyn muǵalimder muqtaj ekenin aıqyn kórsetti.
«Biz muǵalimderge osyndaı múmkindik bergimiz keledi, sondyqtan búgin biz N. Nazarbaevtyń bilim qorymen birge basty maqsaty tsıfrlyq tehnologııalardy oqytý men meńgerýdi jáne tsıfrlyq pedagogıkanyń úzdik ádisteri tájirıbesin úıretetin Digital Ustaz Almaty jańa baıqaýynyń bastalǵanyn habarlaımyz», – dedi Almaty ákimi.
Baıqaý 3 kezeńde ótedi, olardyń árqaısysyna bilim berý salasyndaǵy jetekshi halyqaralyq spıkerler vebınarlar men master-klasstardyń, kóshbasshylardyń qatysady.
Baıqaý jeńimpazdary úshin baǵaly syılyqtar qarastyrylǵan, al birinshi oryn ıegeri bilim taǵlymdamasynan ótý úshin Londonǵa nemese Helsınkıge barady.
«Muǵalimderdi Digital Ustaz Almaty baıqaýyna belsendi qatysýǵa shaqyramyn, osylaısha olar biliktilikterin arttyrýmen qatar tsıfrlyq dáýirde jumys isteýdiń jańa tásilderin zertteýge qadam jasaıtyn bolady», – dedi ákim.