Almatyda mototsıkldiń artyna skeıtbord tirkep alyp júrgender izdestirilýde

ALMATY. QazAqparat - Almatyda jastar qozǵalys ústindegi mototsıkldiń artyna skeıtbord tirkep alyp júrgen, dep habarlaıdy QazAqparat tilshisi.

Ekstremaldy jastardyń vıdeosy áleýmettik jelide tarady.

Almaty qalalyq Polıtsııa departamentiniń málimetinshe, jol erejesin buzǵandar izdestirilip jatyr.

«Qazirgi ýaqytta jergilikti polıtsııa qyzmeti tekserý sharalaryn júrgizýde. Olar mindetti túrde anyqtalyp, jaýapkershilikke tartylady. Jolda mundaı jaǵdaıǵa jol berilmeıdi. Birinshiden, ózderiniń ómirine qaýip tóndiredi. Ekinshiden, olar avtokólik qozǵalysyna kedergi keltirdi», - dep túsindirdi Almaty qalalyq PD resmı ókili Saltanat Ázirbek.