Almatyda motobaıkerler ánurandy shyrqady
ALMATY. QazAqparat - Almatyda QR Memlekettik rámizder kúnine oraı motosherý ótti, dep habarlaıdy QazAqparat tilshisi.
Sherý Rysqulov pen Áshimov kósheleriniń qıylysynan bastalyp, Rysqulov-Momyshuly-Móńke bı-Saın qıylysyna deıin jalǵasty. Qatysýshylar mamandandyrylǵan HQKO deıin baryp, sol jerden qaıta aınalyp kelip, «Almaty arena» kesheniniń aldyna toqtady.
Motosherýdi máslıhat depýtaty, jer sharyn aınalyp saıahat jasaǵan Dmıtrıı Petrýhın bastady.
Kók baıraqty kótergen baıkerlerdiń barlyǵy ánurandy oryndady.
Buǵan deıin merekege oraı Almatyda qandaı sharalar ótetinin jarııalaǵan bolatynbyz.
Almaty ákimi Baqytjan Saǵyntaev qala turǵyndary men qonaqtaryn Memlekettik rámizder kúnimen quttyqtady.
«Memlekettik rámizder kúnimen quttyqtaımyn! Barlyq qıyndyqty birge eńserip, qýanyshqa sebep kóp bolsyn. Týǵan qalamyz ben Otanǵa degen mahabbatymyzdy ónegeli isterimiz jáne qol jetkizgen bıik jetistikterimiz arqyly kórseteıik», - dedi ákim.
Aıta ketý kerek, búgin Táýelsiz Qazaqstannyń memlekettik rámizderi - Memlekettik tý, Memlekettik eltańba jáne Memlekettik gımn kúni.
Osydan týra 28 jyl buryn, naqty aıtqanda 1992 jyldyń 4 maýsymynda QR Tuńǵysh Prezıdenti - Elbasy Nursultan Nazarbaev «Qazaqstan Respýblıkasynyń Memlekettik týy týraly», «Qazaqstan Respýblıkasynyń Memlekettik eltańbasy týraly» jáne «Qazaqstan Respýblıkasy Memlekettik ánuranynyń mýzykalyq redaktsııasy týraly» Zańdarǵa qol qoıǵan edi. Al «Qazaqstan Respýblıkasynyń Memlekettik rámizderi týraly» Konstıtýtsııalyq Zań 2007 jyly 4 maýsymda qabyldandy. Osy Zańǵa sáıkes jyl saıyn 4 maýsym Qazaqstan Respýblıkasynda Memlekettik rámizder kúni retinde merekelenedi.
