Almatyda mopedterdi urlap, satyp kelgen qylmystyq top ustaldy
Naýryzbaı aýdandyq polıtsııa basqarmasynyń bastyǵy Dıdar Ahanovtyń aıtýynsha, polıtsııa bólimshesine aǵymdaǵy jyldyń naýryz aıynan bastap moped urlyǵy týraly shaǵymdar túse bastaǵan.
«Kúdiktilerdiń jeke basy anyqtaldy jáne qazir qamaýǵa alyndy. Olardyń qylmystarynyń barlyǵy derlik vıdeokameraǵa túsip qalǵan. Kúdiktiler túngi ýaqytta kópqabatty úılerdiń aýlalarynda qaraýsyz turǵan kólik quraldaryn urlap kelgenin aıtty. Keıin mopedterdi satyp otyrǵan. Osylaısha, qaskóıler eki mopedti satyp úlgergen, taǵy úsheýi tárkilenip, aıǵaq retinde qylmystyq is materıaldaryna qosyldy.
Ustalǵandar, Qazaqstannyń ár óńiriniń týmalary. Olar 1997,1998,2000 jáne 2003 jyly týǵandar. Biri jas bola tura, osyǵan uqsas qylmystar úshin buǵan deıin sotty bolǵan. Qazirgi ýaqytta kúdiktilerdiń basqa da urlyq áreketterine qatystylyǵy dáleldenýde. Jedel jáne tergeý sharalary jalǵasyp jatyr», - dedi Dıdar Ahanov.