Almatyda mopedshi polıtsııa qyzmetkerin qaǵyp ketip, boı tasalamaq boldy
Oqıǵa 12 mamyr kúni saǵat 16.00 shamasynda Almatynyń Medeý aýdanynda boldy.
«Dostyq dańǵyly men Qurmanǵazy kóshesiniń qıylysynda basyna shlem kımegen moped júrgizýshisin baıqap qaldyq. Toqtaý týraly buıryqty oryndamady. Kerisinshe, joǵary jyldamdyqpen jeke úıler arasymen qashyp ketýge tyrysty.
Budan bólek, ol jol qozǵalysyna qatysýshylarǵa naqty qaýip tóndirdi. Qýys kóshede mopedti jaıaý qýa bastadym. Mopedshi artqa burylyp, maǵan qaraı ádeıi júrdi. Soqtyǵysýdan qashyp qutylý múmkin bolmady. Men quladym. Al mopedshi basqarý tetigine ıe bola almaı, kedergige soqtyǵysty. Sodan keıin ol ustaldy», - dedi Almaty qalalyq Polıtsııa departamenti jergilikti polıtsııa qyzmeti basqarmasynyń patrýldik polıtsııa polkiniń ınspektory Jánibek Orazbaev.
Mopedshi kýrerlik kompanııalardyń biriniń 23 jastaǵy qyzmetshisi bolyp shyqty.
«Zardap shekken polıtseı aýrýhanaǵa jetkizildi. Jol-kólik oqıǵasy jáne polıtsııa qyzmetkeriniń zańdy talaptaryna baǵynbaý derekteri tirkeldi. Moped júrgizýshisi QR zańnamasyna saı jaýapkershilikke tartylatyn bolady», - delingen málimette.
