Almatyda moped júrgizýshisi jolaýshylar avtobýsyna oq atty

ALMATY. QazAqparat – Búgin Almaty qalasynyń Túrksib aýdanynda moped júrgizýshisi jolaýshylary bar avtobýsqa oq atty. Oqıǵanyń vıdeosy jelide tarady, dep habarlaıdy QazAqparat tilshisi.

Vıdeo avtorynyń aıtýynsha, 219-shy avtobýsqa moped mingen er adam oq atyp, «meni kesip óttiń» dep aıǵaılaǵan.

Qalalyq polıtsııa departamenti avtobýsqa oq atý faktisin rastady. Moped júrgizýshiniń kim ekeni anyqtaldy.

«Oqıǵa búgin tańǵy saǵat 10:00 shamasynda Almaty qalasy Túrksib aýdanynda bolǵan. Joldaǵy janjal saldarynan moped júrgizýshisi pnevmatıkalyq tapanshadan qoǵamdyq kóliktiń áınegine atyp, oqıǵa ornynan boı tasalaǵan. Zardap shekkender joq.

Mopedıstiń jeke basy anyqtaldy. Ony qamaýǵa alý sharalary júrgizilýde. Atalǵan derek boıynsha tergeý amaldary Túrksib aýdandyq polıtsııa basqarmasyna qarasty polıtsııa bóliminde júrgizilýde», - dep habarlady polıtsııadan.