Almatyda moped júrgizýshisi jaıaý júrginshini qaǵyp ketti
ALMATY. QazAqparat - Almatyda moped júrgizýshisi jaıaý júrginshini qaǵyp, oqıǵa ornynan qashyp ketti, dep habarlaıdy QazAqparat tilshisi.
Jol apatynyń vıdeosy áleýmettik jelide paıda boldy.
«Oqıǵa 31 tamyz kúni keshki saǵat 20:00 shamasynda boldy. Jaıaý júrginshini qaqqan moped ıesi oqıǵa ornynan qashyp ketti»,- dep jazdy avtor.
Polıtsııa departamenti apatqa qatysty túsinikteme berdi.
«Bul fakt tergeýdiń biryńǵaı tizilimine tirkeldi. Mán - jaıdy Medeý aýdandyq polıtsııa basqarmasy anyqtap jatyr. Bul qylmys baqylaýda», - dedi Almaty qalasy Polıtsııa departamenti bastyǵynyń tergeý jumystary jónindegi orynbasary Rýstam Ábdirahmanov.
