Almatyda moped júrgizýshileri bir táýlik ishinde 78 ret jol erejesin buzdy
ALMATY. QazAqparat - Almaty polıtsııasy moped, mototsıkl, skýter, samokat sekildi kólik túrleriniń qozǵalysyn baqylaýdy kúsheıtti, dep habarlaıdy QazAqparat tilshisi.
Almatyda moped pen elektrosamokat tizgindegen adamdardyń qatysýymen jol erejelerin buzý derekteri kóbeıgen. Osy sebepti bul kólik túrlerin paıdalanatyn adamdardyń jol erejelerin buzý derekterin anyqtaý jumystary kúsheıtildi. Bul týraly Áýezov aýdandyq polıtsııa basqarmasynyń bastyǵy Ulan Ábilqaıyr aıtty.
«Ótken táýlikte ǵana aýdanymyzdyń aýmaǵynda moped júrgizýshileri 78 ret jol erejesin buzǵany anyqtaldy. Olardyń barlyǵy ákimshilik jaýapqa tartyldy. Mundaı sharalar kún saıyn ótkiziledi jáne bizdiń erekshe baqylaýda», – dedi Ulan Ábilqaıyr.
Eske salsaq, buǵan deıin Almaty polıtsııasy qalada jol erejesin buzǵan moped júrgizýshileri ákimshilik jaýapqa tartylatyny týraly eskertken edi.
