Almatyda moped pen jeńil kólik soqtyǵysyp, 1 adam zardap shekti

ALMATY. QazAqparat - Almatyda moped pen jeńil kólik soqtyǵysyp, bir adam zardap shekti, dep habarlaıdy QazAqparat tilshisi.

Jol apatynyń vıdeosy áleýmettik jelide tarady.

Qalalyq Polıtsııa departamentiniń baspasóz qyzmetinen málim etkendeı, jol apaty kúndizgi ýaqytta ál-Farabı dańǵylynda bolǵan.

«Moped tizgindegen N. ál-Farabı dańǵyly boıymen shyǵys baǵytta kele jatyp, qashyqtyqty saqtamaǵan. Osylaısha, «Mitsubishi» markaly kólikke soqtyǵysqan», - dedi Almaty qalasy Polıtsııa departamenti anyqtaý basqarmasynyń bastyǵy Oljas Sháripov.

Málim etilgendeı, mopedte memlekettik tirkeý nómiri bolmaǵan.

Polıtsııa ókiliniń aıtýynsha, jol apaty saldarynan mopedshi dene jaraqatymen aýrýhanaǵa jetkizildi. Atalǵan derekti Bostandyq aýdanynyń polıtsııa basqarmasy tekserip jatyr.