Almatyda moped mingen kýrer jeńil kólikke soqtyǵysyp, 2 adam zardap shekti
ALMATY. Qazqparat - Almatyda moped mingen kýrer jeńil kólikke soqtyǵysyp, eki adam zardap shekti, dep habarlaıdy QazAqparat tilshisi.
Jol apatynyń vıdeosy áleýmettik jelide tarady.
Qalalyq polıtsııa departamentiniń baspasóz qyzmeti málim etkendeı, oqıǵa 28 naýryz kúni saǵat 22:00 shamasynda bolǵan.
«Moped júrgizýshisi Abaı dańǵylymen batys baǵytta jyljyp kele jatyp, Baıtursynov kóshesiniń qıylysynda baǵdarshamnyń eskertý sıgnalyna qaramastan ótip ketpek bolǵan. Saldarynan «Toyota RAV4» avtokóligimen soqtyǵysty», - dedi Almaty qalasy PD tergeý basqarmasynyń bastyǵy Oljas Sháripov.
Apat saldarynan moped júrgizýshisi men onyń jolaýshysy túrli dene jaraqatyn alyp, aýrýhanaǵa jetkizildi.
Bul derek Almaly aýdandyq polıtsııa basqarmasynda tergelip jatyr.
