Almatyda moped Djıptiń astyna kirip ketti
ALMATY. QazAqparat - Astanadan Almatyǵa avtosherýmen kele jatqan Toyota FJ Cruiser kóliginiń astyna moped kirip ketti, dep habarlaıdy QazAqparat tilshisi.
Jol apaty Turar Rysqulov pen Nurǵısa Tilendıev kósheleri qıylysynda bolǵan. EKSPO-ǵa qatysty Astanadan Almatyǵa avtosherýmen kele jatqan jol talǵamaıtyn djıp Turar Rysqulov dańǵylynan Nurǵısa Tilendıevke solǵa burylyp jatqan.
Joldaǵy kólikter solǵa baǵyt alǵan kólikterdi ótkizip baryp, endi ornynan qozǵala bastaǵan kezde moped júrgizýshisi baǵdarshamnyń jasyl janýyn kútpeı zyr etip óte shyqpaq bolǵan. Alaıda moped Djıpke soǵylǵan.
Oqıǵa ornyna jetken dárigerler 28 jastaǵy moped júrgizýshisin jedel járdemmen alyp ketti.
