Almatyda monıtorıng toptarynyń jumysy kúsheıtiledi

Almaty qalasy ákimniń orynbasary Erjan Babaqumarov Sanıtarlyq-epıdemıologııalyq baqylaý departamentiniń basshysy, Almaty qalasynyń Bas memlekettik sanıtar dárigeri Jandarbek Bekshınmen birlesip, megapolıste koronavırýs ınfektsııasyn juqtyrýdyń kúrt ósýine baılanysty monıtorıngtik toptardyń jumysyn uıymdastyrý máseleleri boıynsha onlaın formatta jumys keńesin ótkizdi. Keńeske qala aýdandarynyń ákimderi, qoǵamdyq densaýlyq, kásipkerlik jáne ınvestıtsııalar basqarmalarynyń basshylyǵy qatysty.

Búgingi tańda Almatyda koronavırýs ınfektsııasyn juqtyrýdyń 20 111 jaǵdaıy tirkelgen, bul rette sońǵy táýliktiń ózinde juqtyrýdyń 131 faktisi tirkelgen. 2020 jylǵy jeltoqsan aıynyń birinshi onkúndigimen salystyrǵanda koronavırýs ınfektsııa boıynsha syrqattanýshylyqtyń 1,7 ese ósýi tirkeldi. 2021 jyldyń 1 qańtarynan bastap ortasha eseppen 100-den 130-ǵa deıin jaǵdaı tirkeledi.Eń kóp aýyrǵandar 20-39 jas aralyǵynda baıqalady - 35%, 40-59 jas aralyǵynda - 31%. Negizgi juqtyrý oryndary qoǵamdyq oryndar (saýda, qoǵamdyq tamaqtaný nysandary) - 41%.

2020 jyldyń 8 qazany men osy jyldyń 14 qańtaryna deıin 832 is-shara ótkizildi, onyń barysynda 6971 nysan qamtyldy. Tekserý qorytyndysy boıynsha 1168 (17%) nysanda karantındik sharalardyń buzylýy anyqtaldy. QR ÁQBtK 425 – baby 1-bóligi shekteý is-sharalaryn saqtamaǵany úshin barlyǵy 1014 ákimshilik quqyq buzýshylyq týraly hattama jasaldy: zańdy tulǵalarǵa-77 779 140 teńge somasyna 287; jeke tulǵalarǵa qatysty betperde rejımin buzǵany úshin QR ÁQBtK 425-baby 1-bóligi boıynsha 30 294 090 somasyna 727 ákimshilik quqyq buzýshylyq týraly hattama jasaldy.

Sonymen qatar, 20 materıal sotqa joldandy. Bir aptada 8-14 qańtar aralyǵynda 52 is-shara ótkizilip, 476 nysan qamtyldy.

Epıdemıologııalyq jaǵdaıdyń odan ári ýshyǵýyna jol bermeý maqsatynda qala ákiminiń orynbasary Erjan Babaqumarov aýdan ákimdikteri janyndaǵy monıtorıngtik toptarǵa juqtyrý qaýpi joǵary jerlerde, onyń ishinde saýda ortalyqtarynda, bazarlarda tekserý is-sharalaryn kúsheıtýdi tapsyrdy.

Qoǵamdyq tamaqtaný uıymdary qataryndaǵy shekteý sharalaryn «qasaqana buzýshylar» erekshe baqylaýda. Búgingi tańda Almaty qalasynyń mamandandyrylǵan soty kásipkerlerdiń 16 nysanyna ákimshilik aıyppul salý jáne qyzmetin toqtatý týraly sheshim shyǵardy. Bul jumys jalǵasýda.

Qalanyń Kásipkerlik jáne ınvestıtsııalar basqarmasy óz kezeginde túsindirý jumystaryn júrgizetin bolady.

Erjan Babaqumarov kásipkerlik sýbektileriniń sanıtarlyq-epıdemııalyq qaýipsizdik sharalaryn saqtamaýy qyzmetti toqtatýdan basqa kelýshiler men personal qyzmetkerleriniń jappaı juqtyrýyna ákelýi múmkin ekenin atap ótti. Almaty ákimdigi menshik nysanyna qaramastan kásipkerlik sýbektilerinen, sondaı-aq megapolıs turǵyndary men qonaqtarynan sanıtarlyq-epıdemııalyq qaýipsizdik sharalaryn buzbaýdy suraıdy.

Bıznes sýbektileri, ásirese saýda-oıyn-saýyq ortalyqtary, saýda úıleri, azyq-túliktik emes dúkender qalanyń bas memlekettik sanıtar dárigeriniń qaýlysymen belgilengen barlyq talaptardyń tolyq oryndalýyn qamtamasyz etýi qajet:

-qyzmetkerlerdiń barynsha qashyqtyqtan jumys isteý formatyna aýysýyn qamtamasyz etý;

- jaýapty adamǵa jumys (aýysym) bastalar aldynda baılanyssyz termometrlerdi (teplovızorlardy) paıdalana otyryp, qaǵazǵa nemese elektrondyq tasyǵyshtarda tirkeı otyryp, personaldyń kún saıynǵy termometrııasyn júrgizý);

- respıratorlyq ınfektsııanyń kez kelgen belgileri (qyzba, jótel, tamaqtyń aýyrýy, tynys alýdyń qıyndaýy) bar qyzmetkerlerdi jumysqa kelýin boldyrmaý, sımptomdar anyqtalǵan nemese paıda bolǵan jaǵdaıda jedel medıtsınalyq járdem brıgadasyn shaqyrý qajet;

- personaldy qoldy óńdeýge arnalǵan bir rettik medıtsınalyq betperdelermen, bir rettik qolǵaptarmen, teri antıseptıkteriniń qorymen qamtamasyz etý.

- saýda zaldarynda, kassa aımaǵynda kórinetin jáne qoljetimdi jerlerde, nysanǵa kireberiste qoldy dezınfektsııalaýǵa arnalǵan sanıtaızerlerdiń ornatylýyn qarastyrý, koronavırýs ınfektsııasynyń aldyn alý boıynsha jadynamalardy ornalastyrý;

- kelýshilerge termometrııa júrgizý;

- 4 sharshy metr alańǵa 1 adam esebinen kelýshiler sanyn shekteýdi qamtamasyz etý;

- saýda zaldaryna kirýge ruqsat áleýmettik belgi bolǵan jaǵdaıda júzege asyrylady;

- ǵımarattardy dezınfektsııalaý, ǵımarattarǵa kún saıyn ylǵaldy tazalyq jumystaryn júrgizý;

COVID-19 ınfektsııasynyń aldyn alý jónindegi is-sharalardy uıymdastyrýǵa jáne júzege asyrýǵa saýda nysanynyń ákimshiligi jaýapty bolady.