Almatyda monıtorıng toby demalys kúni jasyryn jumys istegen bazardy anyqtady

ALMATY. QazAqparat - 28 tamyzda demalys kúnderi jumys isteýge tyıym salynǵanyna qaramastan «Barys» bazary ashyq bolǵan, dep habarlaıdy QazAqparat tilshisi.

Almaty qalasy Almaly aýdanynyń monıtorıng toby senbi kúni «Barys» bazarynyń jumys istegenin anyqtady.

Karantın talaptaryn óreskel buzǵan «Barys» bazarynyń ıesine qomaqty kólemde aıyppul salynýy múmkin, materıaldar Almaly aýdanynyń sanıtarlyq-epıdemıologııalyq baqylaý basqarmasyna jiberildi.

Aıta keterligi, bazarda maska rejımi saqtalmaaǵan. Kóptegen satyp alýshy saýda aımaǵynda betperdesiz júrgen.

Eske salaıyq, Almatyda demalys kúnderi qoǵamdyq tamaqtaný (tek qana alyp ketý), saýda jáne oıyn-saýyq ortalyqtary, bazarlar, sulýlyq salondary men fıtnes-ortalyqtardyń jumysyna karantındik shekteýler engizilgen bolatyn.