Almatyda monıtorıng toby 80 adamdyq úılený toıyn toqtatty
Almatyda karantın sharalarynyń saqtalýyn baqylaý boıynsha tekserý sharalary jalǵasyp jatyr. Basty mindet – koronavırýs ınfektsııasynyń taralý qaýpin azaıtýǵa baǵyttalǵan sanıtarlyq-epıdemııalyq talaptardyń saqtalýyn qamtamasyz etý.
Quramyna aýdan ákimdikteriniń, jergilikti polıtsııa qyzmetiniń, taýarlar men kórsetiletin qyzmetterdiń sapasy men qaýipsizdigin baqylaý Basqarmalarynyń, kásipkerler palatasynyń mamandary kiretin 26 monıtorıng toby kúndelikti tekserý is-sharalaryn júrgizip keledi.
17 qazanda saǵat 20.51-de Medeý aýdanynyń monıtorıngtik toby «Qazaqstan» qonaq úıiniń «Ball room» zalynda (jertóle qabaty) úılený toıynyń ústinen tústi. Toıǵa 80-ge jýyq adam jınalǵan. Kelgen qonaqtar ǵımarattan shyǵarylyp, tıisti sharalar qabyldandy. Іs-shara qonaqtaryna Almaty qalasynyń Bas memlekettik sanıtar dárigeriniń qaýly normalary jetkizildi.
Sonymen qatar, 17 qazanda Áýezov aýdanynda saǵat 17:05 - te mobıldi top Aqsaı 3, 14 a mekenjaıyndaǵy Іnjý meıramhanasynda qudalyq bop jatqanyn anyqtady.
Birinshi qabatta - 40 adamǵa, ekinshi qabatta 50 adamǵa ótkizilgen. Saǵat 17: 45 - te reıdtiń mobıldi toby Shamgon Qajyǵalıeva,15 mekenjaıy boıynsha ornalasqan «Adellına» meıramhanasynda 50 adamǵa arnalǵan qudalyqtyń ústinen tústi. Túsindirý jumystary júrgizilip, QR Ákimshilik quqyq buzýshylyq týraly Kodeksiniń 425-baby boıynsha hattamalar toltyryldy.
Jalpy, bıylǵy 8-16 qazan aralyǵynda monıtorıngtik toptardyń jumysymen 1300-den astam nysan qamtyldy. Onyń ishinde 314-inde zańbuzýshylyqtar anyqtaldy. Almaty qalasy bas memlekettik sanıtarlyq dárigeriniń 15 tamyzdaǵy №56 qaýlysynda ýaqytsha tyıym salynǵan kásipkerlik obektileriniń qyzmetine (túngi klýbtar, karaoke, býkmeker keńseleri, kompıýterlik klýbtar, bılıard klýbtary), sondaı-aq adamdar kóp jınalatyn saltanatty, otbasylyq is-sharalardy (úılený toılary, mereıtoılar, banketter) ótkizýge tyıym salynǵan.
Sonymen qatar, sanıtarlyq-epıdemııalyq talaptardyń buzylýyna baılanysty jeke tulǵalarǵa qatysty 35 ákimshilik hattama jasaldy.
Álemdegi epıdemııalyq jaǵdaıdyń nasharlaýyn eskere otyryp, Almaty ákimdigi koronavırýs ınfektsııasynyń taralýyna jol bermeý maqsatynda karantın sharalaryn saqtaýdyń mańyzdylyǵyn eske salady.
Qala turǵyndary men qonaqtaryn maska rejımin, áleýmettik qashyqtyqty qatań saqtaýǵa, sondaı-aq adamdar kóp jınalatyn oryndarǵa jáne juqtyrý qaýpi joǵary bolǵandyqtan qyzmetine tyıym salynǵan mekemelerge barýdan aýlaq bolýǵa shaqyrady.
Al bıznes sýbektileri sanıtarlyq-epıdemııalyq qaýipsizdiktiń barlyq talaptarynyń oryndalýyn qamtamasyz etýge mindetteledi.