Almatyda monıtorıng toby 120 adamdyq úılený toıyn taratty
ALMATY. QazAqparat - Almaty qalasynda 32 monıtorıng toby bar, dep habarlaıdy QazAqparat.
20 naýryzda Dostyq dańǵyly 52/2 mekenjaıy boıynsha Qazaqstan qonaq úıiniń «Grand Palas» zalynda úılený toıy ótkizilgeni anyqtaldy. Zalda shamamen 120 adam bolǵan.
Almaty qalasynyń ákimdigi epıdemıologııalyq ahýal turǵysynan qalanyń «qyzyl aımaqta» turǵanyn eske salady. Ótken táýlikte megapolıste PTR arqyly 437 adamnan koronavırýstyq ınfektsııa anyqtaldy. Bul sońǵy bir aıdaǵy eń joǵary kórsetkish.
Qalada epıdemııanyń taralýy kún saıyn artyp keledi. Koronavırýstyq jaǵdaıdy odan ári ýshyqtyrmas úshin, turǵyndarǵa vırýsqa qarsy erejelerdi qatań saqtaýdyń mańyzdylyǵyn eske salamyz. Atap aıtqanda, qoǵamdyq sharany uıymdastyryp jáne oǵan qatysýdan aýlaq bolý. Azamattar, ásirese sozylmaly aýrýlary bar adamdar, sondaı-aq 65 jastan asqan qart adamdar óte saq bolýy jáne qarym-qatynastan aýlaq bolýy shart.
