Almatyda mol jaýǵan qardan kólikterdiń ústine aǵashtar qulady
ALMATY. QazAqparat– Kishi Almaty jáne Úlken Almaty basseınderinde qar kóshkini júrýi múmkin, dep habarlaıdy QazAqparat qalalyq Tótenshe jaǵdaılar departamentine silteme jasap.
«Qazgıdromet» taratqan eskertý negizinde Almatynyń Tótenshe jaǵdaılar qyzmeti qardyń kóp túsýi jáne taý bókterindegi qar jamylǵysynyń turaqsyz bolýyna baılanysty Kishi Almaty men Úlken Almaty ózenderiniń basseınderinde 16 aqpan kúni qar kóshkini bolýy múmkin ekenin habarlady.
Qardyń shamadan tys kóp túsýinen birneshe aǵash qulaǵan. Oryn alǵan 9 jaǵdaıdyń ekeýinde aǵashtar butaǵy kóliktiń ústine qulaǵan. Zardap shekkender joq.
«Qar kóshkinin týdyrmas úshin qar basyp qalǵan taý bókterlerine shyqpaýǵa keńes beremiz. Taýda abaı bolyńyzdar. Búgin qardyń mol jaýýyna baılanysty taýǵa saparlaýdan bas tartqan jón», - dedi TJD-dan.
Buǵan deıin habarlaǵanymyzdaı, Almatyda túnde jańbyr jaýyp, arty qarǵa ulasty. Qalanyń joǵarǵy jaǵyna 15 sm qar jaýsa, taýly aýmaqtarǵa 25 sm qar tústi.
