Almatyda mobılograftar arasyndaǵy tuńǵysh festıvaldiń jeńimpazdary marapattalady
QR Prezıdenti janyndaǵy «Dara» daryndylardy qoldaý qory uıymdastyrǵan festıvalge 16 men 40 jas aralyǵyndaǵy 7 524 qazaqstandyq mobılograf qatysty.
Festıvaldiń І kezeńi 2022 jyldyń 1 qyrkúıegi men 2023 jyldyń 1 sáýiri aralyǵynda onlaın rejımde ótti.
Baıqaýǵa «Mádenıet pen salt-dástúr», «Týrızm», «Adamdar» taqyryptary boıynsha 1537 jumys qabyldandy.
Baıqaýdyń І kezeńiniń qorytyndysy boıynsha 100 úzdik mobılograf anyqtaldy. Olar ekinshi, qorytyndy kezeńniń tapsyrmalaryn oryndaýdy jalǵastyrdy.
Esimi daraqory.kz, infom.kz saıttarynda jarııalandy.
Baıqaýdyń ІІ kezeńiniń jeńimpazdary, ıaǵnı 20 úzdik jumys avtorlary Nıý-Iork kıno óneri akademııasynda (NYFA) taǵylymdamadan ótýge joldama alady.
40 jeńimpaz aqshalaı syılyqpen marapattalsa, 40 qatysýshyǵa «Mobılografııa PRO» kýrsyn onlaın oqýǵa múmkindik beriledi.
Marapattaý rásimine «Dara» daryndylardy qoldaý qorynyń prezıdenti Nurlan Qoıanbaev, «Mob Fest» festıvaliniń ambassadory Ashat Shynalıev jáne QR Prezıdenti Teleradıokesheniniń kreatıv jónindegi dırektory Ásel Tursynǵazına qatysady.
«MOB FEST» festıvaliniń joǵary deńgeıde uıymdastyrylǵanyn QR Eńbek sińirgen qaıratkeri Jan Baıjanbaevtyń, belgili prodıýser jáne stsenarıst Sábıt Rahymbaevtyń, otandyq rejısserler Ánýar Matjanovtyń, Damır Tastenbekovtyń, Alen Nııazbekovtyń qazylar alqasynyń músheleri retinde belsendi qatysýynan baıqaýǵa bolady.
Marapattaý rásimine arnaıy shaqyrylǵan qonaqtar qatysady: belgili qazaqstandyq blogerler Álisher Elikbaev, Ádilet Rahmetolla, Nurbol Bekbota, Narıman Ábıev, Qýanysh Shońbaı, Meıirbek Berdibaıuly, Imantaı Islam, Ashat Sadyrbaı, ánshiler Ǵadilbek Janaı, Nurjan Kermenbaev, Aıan Bırbaev, Danııar Ótegen, ınvestorlar Talǵat Ismaıl, Áset Jumaqulov, akter jáne júrgizýshi Dáýlet Bıjanov.
Prezıdent janyndaǵy «Dara» daryndylardy qoldaý qory talantty jastardy qoldaýǵa, olardyń shyǵarmashylyq áleýetin júzege asyrýǵa jáne Qazaqstandaǵy kreatıvti ındýstrııany damytýǵa baǵyttalǵan.
