Almatyda mobıldilik basqarmasynyń basshysy qyzmetinen ketti

ALMATY. QazAqparat – Ǵanı Myrzahanov qalasy qalalyq mobıldilik basqarmasynyń basshysy qyzmetinen bosatyldy, dep habarlaıdy QazAqparat tilshisi.

«Almaty qalasy ákiminiń ókimine sáıkes Ǵanı Áýezhanuly Myrzahanov Almaty qalasy qalalyq mobıldilik basqarmasynyń basshysy qyzmetinen bosatyldy»,- dep habarlady Almaty qalasy ákimdiginiń baspasóz qyzmeti.

Eske sala keteıik, Ǵanı Myrzahanov bul laýazymǵa ótken jyldyń mamyr aıynda taǵaıyndalǵan bolatyn.

Ol 2008 jyldan beri jolaýshylar kóligi jáne avtomobıl joldary basqarmasy bastyǵynyń orynbasary, 2016 jyldan bastap «Almaty tazalyq» kásipornynyń basshysy qyzmetterin atqarǵan.

Foto : gov.kz