Almatyda MMA týrnırine qatysýshylardyń salmaq ólsheý rásimi ótedi
ASTANA. QazAqparat - 8 qyrkúıekte saǵat 19:00-de «MEGA ALMA-ATA» oıyn-saýyq ortalyǵynyń aldynda (Rozybakıev kósh. 289) Kásipqoı aralas jekpe-jek týrnıri - «ALASH RRIDE - ASV» qatysýshylarynyń salmaq ólsheý jáne kóz túıistirý rásimi ótedi, dep habarlaıdy QazAqparat.
Uıymdastyrýshylardyń aıtýynsha, Qazaqstan, Reseı, AQSh, Brazılııa, Lıtva, Rýmynııa jáne Tájikstan syndy elderdiń atyshýly faıterleri ózderiniń aqyrǵy daıyndyqtaryn kórsetip, qarsylastarymen alǵash ret betpe-bet keledi.
«ALASH PRIDE - ASV» MMA týrnırindegi basty jekpe-jek 9 qyrkúıekte Arman «Suńqar» Ospanov pen brazılııalyq Tıago «Manchinha» Lýıs Sılva arasynda ótedi.
Arman Ospanov kásipqoı aralas jekpe-jekte segiz kezdesý ótkizip, barlyǵynda aıqyn jeńgen. Onyń qarsylasy TıagoLýıs Sılva (12-5) brazıldik djıý-djıtsýdan qara belbeý ıegeri jáne «Shooto Brasil» uıymynyń álem chempıony.
Sonymen qatar, Qazaqstan atynan «Alash Pride FC» ókilderi - Asyljan Baqytjanuly, Evgenıı Egemberdıev, Asý Almabaev, Qarshyǵa Dáýitbek, Bahtııar Nesipbek pen Igor Svırıd aıqasqa túspek.
