Almatyda MKD tergeýshisi aıǵaq zattardy urlaǵan
ALMATY. QazAqparat - Almatyda MKD tergeýshisi aıǵaq zattardy urlaǵan, dep habarlaıdy QazAqparat tilshisi.
Memlekettik kirister departamentiniń baspasóz qyzmeti málimdegendeı, departamenttiń ishki qaýipsizdik basqarmasy aıǵaq zattardyń júıeli túrde joǵalyp otyrǵanyn anyqtaǵan.
Tekserý barysynda departamenttiń Ekonomıkalyq tergeý qyzmetiniń tergeýshisi birneshe ret aqsha men altyn buıymdardy urlaǵany anyqtaldy.
Tergeýshi ekonomıkalyq kontrabandaǵa qatysty isterdi qaraǵanda kameraǵa aıǵaq zattardy, atap aıtqanda altyn buıymdar men aqshany ótkizbegen. Mundaı oqıǵa budan keıin de bir ret qaıtalanǵan.
Atalǵan derekter QR QK 361-babynyń 4-tarmaǵy boıynsha sotqa deıingi tergeý isi reestrinde tirkeldi.
Qazir kúdikti Ýaqytsha oqshaýlaý ornyna 2 aıǵa qamaldy.
