Almatyda «Minsiz» halyqtyq sapa belgisimen marapattaýdyń 12-shi rásimi ótedi
Bul týraly búgin Almatyda ótken arnaıy baspasóz máslıhatynda «Qazaqstan tutynýshylary ulttyq lıgasynyń» ZTB basshysy Svetlana Romanovskaıa málim etti.
Onyń aıtýynsha, bul kúni dástúr boıynsha úzdik belgisin jetilgen, damyǵan bıznes jasaýǵa umtylatyn minsiz kompanııalar, halyq moıyndaǵan eń sapaly taýar men qyzmet kórsetetin óndirýshiler ıelenbek. "Bul sharany ótkizýdegi negizgi maqsat - qazaqstandyq tutynýshylarǵa kimniń "minsiz" ekendigin, kim "minsiz" taýar shyǵaratynyn kórsetý bolyp tabylady. Bul mereke aıasynda tutynýshylar "minsiz" degen atqa laıyq bolǵan kompanııa ónimderimen qatar, olardyń basshylarymen tanysa alady, otandyq óndirýshilerdiń eń úzdik taýarlarynyń dámin tatyp, kóptegen paıdaly aqparattar men keńester ala alady. Ol eń aldymen durys tańdaý jasaýyńyzǵa yqpal etedi. "Minsiz taýar" - ol Qazaqstannyń bolashaǵy. «Minsiz» halyqtyq sapa belgisi ol eń aldymen halyq tańdaýy",-dedi atalmysh sharanyń uıymdastyrýshysy Svetlana Romanovskaıa.
Onyń aıtýynsha, bul shara tutynýshylarmen tikeleı jumys jasaýǵa negizdelgen Qazaqstandaǵy jalǵyz joba. "Qazaqstan tutynýshylarynyń ulttyq lıgasy Qazaqstan naryǵyndaǵy barlyq taýarlar men qyzmet túrleriniń sapasyn tikeleı baqylap otyrady. Osylaısha, óndirýshiler men qyzmet kórsetýshilerdiń jumys sapasyn kóterýge yntalandyrýdamyz, ol eń aldymen kompanııanyń bedelin kóterýge, sonymen qatar, qazaqstandyqtardyń ómirin jaqsartýǵa yqpal etpek. Máselen, ótken jyly bizdiń uıymǵa 20 000- nan astam shaǵym tústi, onyń ishinde 7 139-kommýnaldyq qyzmetter, 3 568-týrızm jáne avıabıletter, 2 973 -JPU (jeke menshik páterler ujymy) qyzmetteri, 1 388-telekommýnıkatsııa qyzmetteri, 595-turmystyq quraldar, 396-banktik jáne basqa da qarjy qyzmetteri, 396-eńbek máseleleri, 198-bilim jaıynda, 119-dárigerlik qyzmetter, hımııalyq tazalaý - 159, 139-basqa da qyzmetter bar. Osy merzim ishinde tutynýshylarǵa sapasyz taýarlar men qyzmetter usyný negizinde sotsyz 19 823 is tutynýshy paıdasyna qaraldy, jalpy somasy 87 mln. teńgeden astam, sot arqyly-61 is, onyń ishinde-49 is tutynýshy paıdasyna sheshildi. 130 mln-nan astam teńgege moraldyq jáne materıaldyq nuqsan keltirgen 49 is tutynýshy paıdasyna sheshildi",-dedi ol.
Svetlana Romanovskaıanyń aıtýynsha, «Minsiz» halyqtyq sapa belgisimen Táýelsiz tutynýshy saraptama ortalyǵymen anyqtalǵan eń jaqsy taýar shyǵarýshy marapattalmaq. "«Minsiz» halyqtyq sapa belgisimen marapattaý jobasy - taýar jáne qyzmet naryǵynda damyǵan qarym- qatynas jasaý ımıdjin jaqsartyp jáne otandyq taýar óndirýshilerdiń naryqta ózderiniń básekege qabilettiligin arttyrý, ózderiniń taýar sapasynyń qamyn, qyzmet jáne jumys, naryqty opasyz kásipkerlerden qorǵaý isterin júzege asyrý úshin quryldy",-deıdi ol.
Bul is-shara bir kúnge sozylady jáne sherý retinde ótkizilmek. Promo-aktsııaǵa 100-den astam kompanııalardyń usynǵan taýarlary men qyzmetterin degýstatsııalaýǵa jáne testen ótkizýge árbir tutynýshy qatysa alady. Іs-sharaǵa qatysýshylarǵa arnaıy oıyndar, syılyqtar, saýyqtar jáne estrada juldyzdarynyń katysýymen ótetin kontsertter qarastyrylǵan.
2000 jyldan beri Qazaqstan aýmaǵynda jáne qazaqstandyq, bolgarııalyq, reseılik jáne ózge de taıaý jáne alys shet memleketterinde óz qyzmetteri men taýarlaryn usynǵan 112 kompanııa «Minsiz» halyqtyq sapa belgisimen marapattaldy.
