Almatyda «Mıgrant» jedel saýyqtyrý sharasy ótip jatyr

  dep habarlaıdy QazAqparat.

         «Zańsyz eńbek kúshterin anyqtaý maqsatynda ótkizilip jatqan shara barysynda jeke úıler kóp shoǵyrlanǵan Alataý, Jetisý aýdandarynda, bazarlarda, turǵyn úılerde, tamaqtaný oryndarynda tekserý sharalary júrgizilýde», deıdi Almaty qalalyq mıgratsııalyq polıtsııa basqarmasynyń bastyǵy, polıtsııa podpolkovnıgi Marat Kezembaev.Onyń aıtýynsha, polıtsııa qyzmetkerleri shara bastalǵan alǵashqy kúnniń ishinde 42 mekeme men 18 oqý ornyn teksergen. Tekseris nátıjesinde Qazaqstanǵa kelý zańdylyǵyn buzǵan 143 sheteldik ustalǵan. Onyń 139-y TMD elderiniń azamattary. 3-i Aýǵanstan, 1-i Túrkııa eliniń azamaty.

         Marat Kezembaevtyń aıtýynsha, shara  bastalǵannan beri Qazaqstanǵa kelý zańyn óreskel buzǵan 14 sheteldik anyqtalyp,  olardyń barlyǵy óz elderine qaıtarylǵan. Al taǵy 31 sheteldik ýaqytsha oqshaýlaý orynyna jetkizilgen. Olardyń qaıdan kelgeni anyqtalǵan soń elderine qaıtarylmaq. Bulardyń elimizge zańsyz kelýine kómektesken 50 qazaqstandyq azamat ákimshilik jaýapkershilikke tartylǵan.