Almatyda «Mıgrant» jedel-aldyn alý is-sharasynyń alǵashqy kúninde kóshi-qon zańdaryn buzǵan 168 kelimsek anyqtalyp, onyń otyzdan astamy el aýmaǵynan alastatylǵan
ALMATY. 7 aqpan. QazAqparat /Názıra Eleýhan/ - Almatyda «Mıgrant» jedel-aldyn alý alý is-sharasy bastaldy. Bul aýqymdy is-sharanyń maqsaty QR aýmaǵyna zańsyz shekara asyp keletin kelimsekterdiń jolyn kesý bolyp tabylady.
«Qazirgi ýaqytta kóshi-qon polıtsııa qyzmetkerleri tártip saqshylarymen birge el aýmaǵyna kóshi-qon zańnamalaryn belden basyp qala bazarlarynda nápaqa taýyp júrgen kelimsekterdi anyqtaý jáne olardy elimizden alastatý jumystaryn júrgizýde, sondaı-aq olar barlyq dámhanaalar men ashanalarǵa da tekserý júrgizýde. Alǵashqy kúnniń ózinde kóshi-qon zańdaryn buzǵan 168 kelimsek anyqtalyp, otyzdan asa kelimsek el aýmaǵynan alastatyldy. Sonymen qatar, tártip saqshylary zańsyz shet el azamattarynyń jumys kúshin paıdalanyp kelgen birneshe mekeme men kásiporyndardyń laýazymdy 145 tulǵasyn anyqtady. Laýazymdy tulǵalardyń barlyǵy ákimshilik jaýapkershilikke tartyldy. Al quryqtalǵan azamattar sot sheshimimen el aýmaǵynan alastatylatyn bolady», - dedi Almaty qalasy ІІD Kóshi-qon polıtsııasy basqarmasynyń bastyǵy, polıtsııa podpolkovnıgi Erjan Orazbekov.
Onyń aıtýynsha, kelimsekterdiń basym kópshiligi el aýmaǵyna kelgennen keıin jumys isteýge arnaıy ruqsat almaq túgili, arnaıy esepke de turmaıtyn kórinedi.
«Mıgrant» jedel aldyn-alý is-sharasy aqpan aıynyń 10-yna deıin jalǵasady.
