Almatyda «Mıgrant» aldyn-alý is sharasy kezinde astyrtyn tseh qyzmeti anyqtaldy

Astyrtyn tseh «Shańyraq» yqshamaýdanynda ornalasqan bir úıdiń jertóresinen oryn alǵan. Tekserý kezinde ustalǵan jumysshylar Qyrǵyzstan men Qaraqalpaqstan elinen kelgen azamattar bolyp shyqty.

«Árıne, zańsyz bıznes bolǵandyqtan tsehty saraıdaǵy temir esiktiń arǵy jaǵyna tyǵyp ustaǵan. Jer astynda «Fanta», «Pepsı kola», «Spraıt», «Býratıno» sýsyndaryn shyǵaryp, undy ólshep qaptaý bıznesin júrgizgen. Qarapaıym kóshedegi qudyq sýy men boıaǵysh zattardyń arqasynda «bıznesmender» qalanyń bazarlaryn salqyn sýsynmen qamtamasyz etip otyrǵan», - dedi Almaty qalasynyń kóshi-qon Bbsqarmasynyń bastyǵy, polıtsııa podpolgovnıgi Marat Kezembaev. Onyń aıtýynsha, kelimsekterdiń kóbi «Shańyraq», «Áıgerim», «Ójet» yqshamaýdandarynan meken izdeıdi.

Ol sonymen qatar, «tárkilengen barlyq azyq-túlik saraptamaǵa jóneltildi. Muqııat tekserý júrgizilip, aıyptylar tıisti jazasyn alady», - dedi.