Almatyda meıramhanalardyń jumys ýaqyty qysqardy
ALMATY. QazAqparat – Almaty qalasynyń bas sanıtarlyq dárigeri Jandarbek Bekshın onlaın brıfıng barysynda meıramhanalardyń jumys ýaqyty bir saǵatqa qysqarǵanyn aıtty, dep habarlaıdy QazAqparat tilshisi.
«Qazir qalada aýrý juqtyrý deregi kóbeıip jatyr. Osyǵan baılanysty biz meıramhanalardyń jumys ýaqytyn qysqartý týraly sheshim qabyldadyq. Aldyńǵy qaýlyǵa ózgertý engizdik. Meıramhanalardyń jumys ýaqytyn 1 saǵatqa shegerdik. Bul saqtyq sharalaryn kúsheıtý úshin. Sonymen qatar, bul turǵyndardyń qoǵamdyq oryndarǵa az barýy úshin jasalyp otyr», – deıdi Jandarbek Bekshın.
Onyń aıtýynsha, Almatyda qyrkúıek, qazan aılarynda koronavırýs juqtyrý deregi azaıǵan edi. Alaıda qarashanyń alǵashqy kúninen bastap, aýrý ósimi baıqalyp otyr. Eger osyǵan deıin táýligine koronavırýs juqtyrýdyń 10 deregi tirkelse, qazir 24-30 tirkelip jatyr.
