Almatyda meıramhanalar jumys ýaqyty qysqarýyna qaramastan toı ótkizgen
ALMATY. QazAqparat – Almatynyń monıtorıngilik toptary bir túnde karantın sharasyn buzǵan 6 nysandy anyqtady, dep habarlaıdy QazAqparat tilshisi.
17 qarashada Almaty qalasy boıynsha monıtorıng toptary karantındik sharalardyń saqtalýyn baqylaý maqsatynda 27 nysanǵa tekserý júrgizdi. Erejeni buzǵan 6 nysan anyqtaldy.
Almaly aýdanynyń monıtorıngilik toby Seıfýllın dańǵyly 483 mekenjaıyndaǵy «Mega Park» saýda ortalyǵynda koreı meıramhanasynyń 22.00-den keıin jumys istegenin anyqtady.
Bostandyq aýdanynda zań buzǵan tórt nysan anyqtaldy:
- Mustafın kóshesi 56/1 mekenjaıy boıynsha «CTR Chiken Almaty» tez tamaqtaný dámhanasy — 22.00 keıin jumys rejıminiń buzylýy;
- Mustafın kóshesi 56/8 mekenjaıy boıynsha «Red Dragon» fastfýd ónimderiniń dúkenderi men dúńgirshekter jelisi — 22.00 keıin jumys rejıminiń buzylýy;
- Mustafın kóshesi 56/2 mekenjaıy boıynsha «Salam bro» tez tamaqtanýdyń dámhanalar jáne dúńgirshekter jelisi — 22.00 keıin jumys rejıminiń buzylýy;
- Naýryzbaı batyr kóshesi 125 mekenjaıy boıynsha «Playstation» oıyn klýby — nysan tyıym salynǵanyna qaramastan qyzmet etken.
Medeý aýdanynda «Dostyq dańǵyly, 87a» mekenjaıyndaǵy «Venezia» meıramhanasynda saǵat 22.00-den keıin jumys rejıminiń buzylýy anyqtaldy.
Zańdy tulǵalarǵa qatysty anyqtalǵan buzýshylyqtar boıynsha QR ÁQBtK-niń 425-babynyń 1-bóligine sáıkes sharalar qabyldanatyn bolady.
Ákimdik almatylyqtardy jáne qala qonaqtaryn múmkindiginshe adamdar kóp jınalatyn oryndarǵa, ásirese megapolıstiń bas memlekettik sanıtar dárigeriniń qaýlysyn buzyp, qyzmetin jalǵastyryp kele jatqan mekemelerge barýdan aýlaq bolýǵa shaqyrady.
