Almatyda meıramhanalar túngi klýb bolyp qaıta ashylyp, karantındi buzyp otyr

ALMATY. QazAqparat - Almaty qalasynda meı̆ramhanalar túngi klýbtarǵa qaı̆ta beı̆imdelip, karantın rejımin buzyp jatyr, dep habarlaıdy QazAqparat.

Koronavırýsqa qarsy vedomstvoaralyq komıssııanyń málimetinshe, Almaty qalasynda 2020 jylǵy 8 qazannan beri 32 monıtorıng toby jumys istep keledi.

2020 jyldyń 8 qazanynan jyl sońyna deı̆in 648 reı̆d júrgizilip, 5 464 obekti reı̆dpen qamtylǵan. Onyń barysynda karantındi buzýdyń 1100 (20,1%) faktisi anyqtalǵan.

Monıtorıng toptarynyń tekserý nátıjesi boı̆ynsha ákimshilik quqyq buzý týraly 959 hattama jasaldy, onyń ishinde zańdy tulǵalarǵa – 48 378 870 teńge somasyna 243 hattama, jeke tulǵalarǵa qatysty betperde rejımin buzǵany úshin 29 835 720 teńge somasyna 716 aıyppul salyndy.

Budan bólek, 16 materıal sotqa berilip, 5 is boı̆ynsha qyzmetin toqtatý jáne 100 AEK (aı̆lyq eseptik kórsetkish) aı̆yppul salý týraly sheshim qabyldandy.

Onyń ishinde myna nysandar bar:

• Medeý aýdany: «Manana» meı̆ramhanasy, «Otyrar bar», «Tsentralnyı̆» kafesi, «Hookan Dreems» lanýj-bary, «Nebo» bary, «Orange» meı̆ramhanasy, «Artıst» bary;

• Túrksib aýdany: «Raıana» meı̆ramhanasy, «Atlantıda» bılıard klýby, «Provans» kafesi;

• Almaly aýdany: «Aragosta» kafesi, «Degırmen» meı̆ramhanasy, «Doremı» karaokesi;

• Áýezov aýdany: «Mıata» laýndj-bary, «Almaly» karaoke-bary, «Playstation Go» oı̆yn klýby.

Sonymen qatar, qalada meı̆ramhanalardy túngi klýbtarǵa qaı̆ta beı̆imdeý úrdisi baı̆qalyp otyr. Mundaı̆ áreket koronavırýs ınfektsııasynyń taralý qaýpin arttyrady.

Mundaı̆ fakti Royal Tulip meı̆ramhanasynda tirkelgen.