Almatyda meıramhana men barǵa 80-nen astam adam jınalǵan

ALMATY. QazAqparat - Almatyda karantın shekteýine qaramastan meıramhana men barǵa 80-nen astam adam jınalǵan, dep habarlaıdy QazAqparat óńirlik kommýnıkatsııa qyzmetine silteme jasap.

16 mamyrda túnde shekteýdi buzǵan 7 oqıǵa tirkeldi, onyń altaýy meıramhana, dámhana jáne dúken, bireýi kompıýter klýby.

Bostandyq aýdanynda «Nıno» meıramhanasy jumys istegen, onda 80-ge jýyq kelýshi bolǵan.

Medeý aýdanynda «Atmosfera» bary jumys istegen, onda 80-ge jýyq adam bolǵan.

Monıtorıng toptary ókilderiniń málimetinshe, atalmysh nysandarǵa aıyppul salynǵan, onda kelýshiler lımıti men áleýmettik qashyq saqtalmaǵan.

Mysaly, «Atmosfera» barynda 80-nen astam adam bolǵan, ishtegiler bılep jatqan. Ǵımarattyń syrtqy jaǵynan qaraǵanda, mekeme jumys istemeıtin sııaqty, alaıda qonaqtar qosalqy kireberis arqyly ishke jiberilgen. Bardyń qojaıynyna ákimshilik hattama toltyryldy.

Sanıtarlyq normalar buzylǵan «Nıno» meıramhanasynda monıtorıng toby TJ qyzmetin shaqyrdy, óıtkeni ákimshilik monıtorıng tobynyń jumysyna kedergi keltirdi. Epıdemıologııalyq talapty saqtamaý, sondaı-aq buzaqylyq faktisi boıynsha tıisti materıaldar jınaldy.

Qalada 20 naýryzdan 16 mamyrǵa deıin belgilengen shekteýdi buzýǵa qatysty barlyǵy 841 fakt anyqtaldy, onyń ishinde:

* Alataý aýdanynda – 19 ;

* Almaly aýdanynda - 198;

* M.Áýezov aýdany -140;

* Bostandyq aýdanynda - 137;

* Jetisýda - 52;

* Medeý aýdanynda - 149;

* Naýryzbaı aýdanynda - 50;

* Túrksib aýdanynda - 91.

3 myńnan astam jeke tulǵaǵa ákimshilik hattama toltyryldy.

Almaty ákimdigi adamdar kóp jınalatyn oryndarǵa barmaýǵa, buqaralyq is-sharalardy uıymdastyrmaýǵa jáne qatyspaýǵa shaqyrady. Áleýmettik qashyqty saqtaý jáne betperde kııý mańyzdy.

Esterińizge sala keteıik, karantın shekteýin buzǵany úshin ákimshilik jaýapkershilik qarastyrylǵan.