Almatyda meıramhana mańyndaǵy atysta 1 adam jaralandy
ALMATY. QazAqparat - Almaty polıtsııasy meıramhana mańyndaǵy atysqa baılanysty sotqa deıingi tergeý isin qozǵady. Bul týraly qalalyq ІІD baspasóz qyzmeti habarlady.
Oqıǵa Almaly aýdanyndaǵy meıramhanalardyń birinde túnde bolǵan. Belgisiz tulǵalar ańshy myltyǵymen atqan.
Saldarynan bir adam jaralandy. Ol aýrýhanaǵa jatýdan bas tartty.
"Dəl qazir janjal shyǵarǵandardyń kim ekendigi anyqtaldy. Olardy ustaýǵa əreket jasalyp jatyr. Atalǵan derek QR QK 293 baby boıynsha buzaqylyq dep biryńǵaı sotqa deıingi tergeý reestrine tirkeldi",- dedi Almaly aýdandyq ІІІB basshysy Asqar Bolatov.
