Almatyda «Meıirim - juldyzdar shamshyraǵy» atty balalar shyǵarmashylyq festıvali ótti
ALMATY. 26 mamyr. QazAqparat /Ádilet Musahaev/ - Halyqaralyq balalardy qorǵaý kúni qarsańynda búgin Almatyda qaladaǵy áleýmettik mekemelerde tárbıelenip jatqan balalardyń qatysýymen «Meıirim - juldyzdar shamshyraǵy» atty balalar shyǵarmashylyq festıvali ótti.
Osymen úshinshi ret uıymdastyrylǵan bul shara «Táýelsizdik qanatynda» atty uranmen QR Tuńǵysh Prezıdenti qorynyń qoldaýymen ótkizilip otyr.
Festıval aıasynda jas búldirshinderdiń oryndaýyndaǵy gala-kontsert ótip, irikteý konkýrsynan ótkenderdi marapttaý rásimi boldy. Oǵan qaladaǵy balalar úıi men arnaıy túzetý mektep-ınternatynan 1500-deı bala qatysýda.
«Festıvaldiń negizgi maqsaty - balalardyń kórkemdik shyǵarmashylyǵyn arttyryp, daryndy búldirshinderdi anyqtap, múmkindigi shekteýli balalarǵa demeý kórsetýde metsenattar men qaıyrymdylyq baǵdarlamalardy tartý», -deıdi "Marat Ospanov" qorynyń prezıdenti Baqyt Ospanova.
Shara «Meıirim» festıvaliniń ánuranymen ashylyp, Taraz qalasynan kelgen «Aınalaıyn» balalar sán teatry qonaqtarynyń qaǵazdan tigilgen kıim úlgilerinen turatyn «gúl sherýi» atty qoıylymyn kórdi.
Konkýrstyń jeńimpazdary quttyqtaý qaǵazdarymen marapattalyp, sharany uıymdastyrýshylardyń atynan teledıdar, mýzykalyq ortalyq sııaqty syılyqtar tabystaldy.
