Almatyda metropolıtendegi ǵımarattar men jarnamalyq qurylymdardy jalǵa berý áli sheshilgen joq - Ahmetjan Esimov
ALMATY. 20 sáýir. QazAqparat - Metronyń 1-jelisiniń iske qosylǵanyna 4 aı ótse de áli kúnge deıin onyń paıdalalyǵy men ony kútip ustaýǵa qatysty shyǵynnyń naqty kórinisi aıqyndalǵan joq.
Bul búgin Almaty qalasy damýynyń alǵashqy toqsandaǵy qorytyndysyna arnalǵan alqaly jıynda aıtyldy.
«Metro jumysynyń tıimdiligi shyǵyndy ońtaılandyrý men qolda bar aktıvti durys qoldaný esebinen qamtamasyz etilý kerek. Turǵyndar metrony óte qolaıly jáne ekologııalyq jaǵynan taza jáne jyldam kólik túri ekenin aıtýda. Ol tipti álemdegi úzdik 10 metronyń qataryna enip úlgerdi. Endi onyń tıimdiligin arttyrý qajet», - dedi qala ákimi Ahmetjan Esimov. Onyń aıtýynsha, bıyl metronyń birinshi jelisiniń ekinshi kezeginiń qurylysyna respýblıkalyq bıýdjetten 12 mıllard teńge, al qalalyq bdjetten 1,2 mıllıard teńge bólinip otyr. Qarjylandyrýda esh másele bolmaýy tıis. Al 2013 jyly jolaýshylarǵa qyzmet kórsetýdi jáne onyń tıimdiligin kóterý baǵytynda 2 metro beketi paıdalanýǵa beriletin bolady.
«Aǵymdaǵy jyly kólik ınfraqurylymyn jaqsartýda 16 jolaýshylar ótkeli, 6 kólik aıryǵynyń qurysy júrgizilip, 4 kóshe uzartylady. Sondaı-aq 18 shaqyrym jańa jol salynyp, keminde 170 shaqyrym jolǵa orta dárejeli jóndeý jumystary júrgiziledi. Bul jumystardyń bárine bıýdjette qajetti qarajat bar, endi ony tek sapaly jáne belgilegen merzimde aıaqtaý kerek», - deıdi Ahmetjan Smaǵululy.
