Almatyda metropolıten jelisine qosymsha jyljymaly quram qosylady
ALMATY. QazAqparat- 13 aqpannan bastap metro jelisinde qosymsha 10 quram qyzmet kórsetedi, dep habarlaıdy QazAqparat tilshisi.
Jańa quram qosylǵan soń qozǵalys aralyǵy qarbalas sátte 6 mınýt 12 sekýndke deıin qysqarady.
2022 jyly eki jańa stantsııa qoldanysqa berildi. Solaı, jolaýshylar sany shamamen eki esege artyp, 85 myńǵa jetti. Qazir 938 adam sııatyn 4 vagondy jyljymaly quram qatynap júr.
Buǵan deıin Almatynyń 2040 jylǵa deıingi Bas josparyn ázirleýshiler qoǵamdyq kólikti damytý perspektıvalary týraly aıtqan bolatyn.
Bas josparǵa sáıkes 2040 jylǵa qaraı metro jelisiniń uzyndyǵy 32 shaqyrymǵa jetpek. Búgingi tańda qoldanystaǵy jeli 13 shaqyrymdy alyp jatyr.
