Almatyda metronynyń artyna jabysyp alǵan bloger ustaldy
Jas jigit áleýmettik jelide tanymal bolý úshin metroǵa jabysyp, ony kameraǵa túsirgen.
«Ol óziniń áreketin ómiri men densaýlyǵyna jáne basqa da jol qozǵalysyna qatysýshylarǵa qaýip tóndiretinin bilmedi dep oılamaımyn. Ch. esimdi azamat zańǵa sáıkes sharalar qabyldaý úshin tártip saqshylary ony izdeıtinin bildi. Sondyqtan ol jasyrynǵan. Alaıda keshe keshke ol ustalyp, QR Ákimshilik quqyq buzýshylyq týraly kodeksiniń 560-baby («Temir jol kóligi quraldaryn paıdalaný erejelerin buzý») boıynsha ákimshilik jaýapkershilikke tartyldy. Sonymen qatar, Ch. esimdi azamatqa qatysty túsindirý jumysy júrgizildi», - deıdi metropolıtendegi polıtsııa basqarmasynyń basshysy Tımýr Ósekbaev.
Aıta keteıik, blogerdiń vıdeosy 2 qarashada «SHERIFF Almaty» arnasynda «Zatsep metro Almaty» degen ataýmen jarııalanǵan. Ol poıyzdyń art jaǵyndaǵy tirkemesine jabysyp alyp, «Almaly» stansasynan bastap «Abaı» stansasyna deıin jetken.