Almatyda metrodaǵy poıyzdardyń júrý aralyqtary 6 mınýtqa deıin qysqarady
ALMATY. QazAqparat - 2023 jyldyń qyrkúıeginen bastap metrodaǵy poıyzdardyń júrý aralyqtary 6 mınýtqa deıin qysqarady, dep habarlaıdy QazAqparat tilshisi.
Erbolat Dosaevtyń aıtýynsha, megapolıste qoǵamdyq kóliktiń sapasy men jyldamdyǵyna qoıylatyn talaptar ósýde.
«Ótken jyldyń mamyr aıynda 2 jańa stantsııa ashylǵannan keıin jolaýshylar aǵyny kún saıyn 35 myńnan 90 myńǵa deıin 2,6 esege ósti. Aǵymdaǵy jyldyń qyrkúıek aıynan bastap 3 jyljymaly sostav qosylady, bul qozǵalys aralyǵyn 6 mınýtqa deıin tómendetýge múmkindik beredi», – dedi Almaty ákimi Erbolat Dosaev.
Onyń aıtýynsha, metronyń megapolıste suranysqa ıe bolýy jerasty marshrýttary jelisiniń ulǵaıýymen jolaýshylar aǵynynyń ósýin dáleldeıdi.
Qala basshysy 2025 jyly «Qalqaman» stantsııasynyń qurylysyn aıaqtaý josparlanǵanyn, batys baǵytta «Barlyq» bazaryna deıin 3 jańa stantsııanyń jobalaý-smetalyq qujattamasyn ázirleý júrgizilip jatqanyn tilge tıek etti.
Eske salaıyq, bul týraly Erbolat Dosaev QR Prezıdenti Qasym-Jomart Toqaevqa esep berý barysynda aıtty.
Aıta keteıik, Memleket basshysy 18 tamyz kúni Almatyǵa is saparmen kelgen bolatyn.
