Almatyda metro poıyzy temirjoldy tuıyqtaǵan qorǵanǵa soǵyldy
ALMATY. QazAqparat - Almatyda metro poıyzy temirjoldyń tuıyǵyndaǵy qorǵanǵa soǵyldy, dep habarlaıdy QazAqparat tilshisi.
Oqıǵa 19 naýryz kúni bolǵan. Metronyń baspasóz qyzmeti keleńsiz jaǵdaı týraly tolyq aqparat berdi.
«Mashınıst poıyzdy jýdyrýǵa aparǵan. Onyń ishinde jolaýshylar bolǵan joq. Oqıǵa depo ishinde turaqta kólikti burý kezinde bolǵan. Mashınıst relsterdiń aýysý ýaqytynan sál shatasyp, temir joldy tuıyqtap turǵan qorǵanǵa soǵyldy Mashınıst kabınasy men bamperdiń tómengi bóligi zaqymdandy», - dedi Almaty metropolıteniniń baspasóz hatshysy Anna Merzlıakova.
Almaty metrosy bekitilgen kestege sáıkes shtattyq rejimdegi jumysyn toqtatqan joq.
««Metropolıten» KMK-niń qaýipsizdik qozǵalysy pen qoldanylý erejesine sáıkes oqıǵa jol apaty bolyp eseptelmeıdi. Poıyz jóndeýge jóneltildi, bir apta ishinde ońdalyp jolǵa shyǵady», - dedi ol.
Illıýstratsııalyq foto
