Almatyda metro men jol aıryqtarynyń qurylysy jalǵasýda
ALMATY. QazAqparat – Almaty ákimidigi jol-kólik ınfraqurylymyn damytýǵa arnalǵan jobalar týraly aıtty, dep habarlaıdy QazAqparat tilshisi.
Qazirgi ýaqytta «Dostyq» jáne «Saryarqa» metro stansasynyń jelileri salynýda. Oǵan 250 jumysshy tartylǵan. Sonymen qatar, Rysqulov dańǵyly men Emtsov kóshesiniń qıylysynda jol aıryǵynyń qurylysy júrip jatyr. Oǵan 53 jumysshy jumyldyryldy. Al Abaı dańǵylyn uzartýǵa 20 jumysshy tartylǵan. Alataý aýdanyndaǵy jańa joldardyń qurylysyna 115 jumysshy at salysyp jatyr:
Shańyraq-2, uzyndyǵy - 10,9 km, aıaqtalý merzimi - osy jyldyń tamyz aıy, qamtý - 18440 turǵyn;- Áıgerim-1, uzyndyǵy - 6 km, aıaqtalý merzimi - osy jyldyń mamyr aıy, qamtý - 10300 turǵyn;- Uljan-1, uzyndyǵy - 12,6 km, aıaqtalý merzimi - osy jyldyń qazan aıy, qamtý - 8000 turǵyn;- Trýdovık, uzyndyǵy - 18,2 km, aıaqtalý merzimi - osy jyldyń qarasha aıy, qamtý - 6000 turǵyn; Áıgerim-2, uzyndyǵy 6 km, aıaqtalý merzimi - osy jyldyń qyrkúıek aıy, qamtý - 12,600 turǵyn.
Jol jóndeý júmystaryna 105 jumysshy bar 10 brıgada jumyldyryldy.
«Jumysshylardyń sanıtarlyq-qorǵanys sharalaryn saqtaý úshin jóndeý-qurylys jumystarynyń barlyq qatysýshylary maskalarmen, sondaı-aq antıseptıkalyq zattarmen qamtamasyz etilgen.Osy jyldyń sońyna deıin Alataý aýdanynyń 7 shaǵynaýdanynda uzyndyǵy 84 shaqyrym bolatyn jańa joldyń qurylysy aıaqtalady. Sonymen qatar uzyndyǵy 67,4 shaqyrym bolatyn 18 shaǵynaýdanda ortasha jóndeý jumystaryn júrgizý josparlanǵan. 5 móltek aýdanda: «Samǵaý», «Ójet», «Shańyraq-5», «Alǵabas», «Shapaǵatta» jańa joldyń kúrdeli qurylysynyń jobalyq-smetalyq qujattaryn ázirleý jumystary júrgizilýde. Jobalyq-smetalyq qujattamany aıaqtaý merzimi 2020 jyldyń 2 toqsanyna josparlanǵan»,–dep habarlady qalalyq ákimdik.
