Almatyda metro qurylysyna baılanysty jol qozǵalysy ózgeredi
ALMATY. QazAqparat - Almatyda metro qurylysyna baılanysty jol qozǵalysy ózgeredi. Bul týraly qalalyq Jolaýshylar kóligi jáne avtomobıl joldary basqarmasy habarlady.
Almaty metrosynyń «Saryarqa» beketinde jer asty júrginshi jolynyń qurylysy 1 mamyrdan bastalady.
«Osyǵan baılanysty Abaı dańǵyly boıyndaǵy «Family park» aýmaǵynyń batys jáne shyǵys baǵyttarynda kólik qozǵalysy ońtústiginde ornalasqan burynnan bar aınalma jol arqyly júzege asady. Qozǵalys ár baǵyt boıynsha úsh jolaq arqyly qamtamasyz etiledi. Ýaqytsha keleńsizdik úshin keshirim suraımyz jáne óz baǵyttaryńyzdy erterek belgilep alýdy ótinemiz», - dedi basqarmadan.
Aıta ketý kerek, jaqyn ornalasqan kóshelerdegi kólik qozǵalysy burynǵy keste boıynsha júrgiziledi.
