Almatyda metro qurylysyna baılanysty satyp alynatyn jer ýchaskeleriniń aqshasy qashan tólenedi
ALMATY. QazAqparat- Metro qurylysyna baılanysty satyp alynatyn jer ýchaskeleriniń aqshasy mamyrdyń sońyna deıin tólenedi. Bul týraly megapolıs ákimi Erbolat Dosaev Naýryzbaı aýdany halqymen kezdesýinde málim etti, dep habarlaıdy QazAqparat tilshisi.
Almatyda metro salynýyna baılanysty Naýryzbaı aýdanynda Áshimov kóshesinen tómen qaraı jer telimderi satyp alynyp jatyr.
«Byltyr ýchaskemizge baǵalaý jumystary júrgizildi, jeltoqsan aıynda aqshamyzdy alýymyz kerek bolatyn. Biraq ol kezde tólemedi. Endi mamyrdyń 10-y dep edi, taǵy joq. Sizden suraıtynymyz – osy máseleni tezirek sheship berseńiz»,- – dedi Naýryzbaı aýdany turǵyny.
Qala ákimi Erbolat Dosaevtyń aıtýynsha, atalǵan jer telimderinde ótken aptada baǵalaý jumystary júrgizilgen.
«Endi árqaısyńyzdy jeke shaqyratyn bolady. Tıisti shartqa qol qoıasyzdar. Qarajat bar. Maǵan endi osy qol qoıǵan qaǵazdar kerek. Odan keıin birden tólep beremiz. Men aldynda mamyr aıynyń sońyna deıin satyp alatyn jerlerdiń máselesin sheshińder dep tapsyrma bergenmin»,- Erbolat Dosaev.
Eske salaıyq, byltyr qarasha aıynda Almaty qalasynyń jer qatynastary basqarmasy metro stansasyn salý maqsatynda memleket muqtajyna 92 jer telimi ıelikten shyǵarýǵa jatatynyn aıtqan bolatyn.
