Almatyda metro qurylysyna 92 ýchaske satyp alynady

ALMATY. QazAqparat - Almaty qalasynyń jer qatynastary basqarmasy metro stansasyn salý maqsatynda memleket muqtajyna 92 jer telimi ıelikten shyǵarýǵa jatatynyn málim etti, dep habarlaıdy QazAqparat tilshisi.

Búgingi kúni onyń 24-i menshik ıesinen satyp alyndy. Qalǵan 68-i boıynsha jumys júrgizilip jatyr.

Almaty qalasy ákimdiginiń 2021 jylǵy 10 jeltoqsandaǵy qaýlysymen «Metropolıten» ShJQ MKK metronyń úshinshi kesheniniń iske qosý qurylysynyń jańa jobasyn ázirledi.

Ol ıAssaýı kóshesinen batys baǵytta Abaı dańǵylynyń boıymen «Barlyq» bazaryna deıin barady.

Qazirgi tańda atalǵan joba boıynsha 60 jer ýchaskesinde «Memleket muqtajyna alýǵa baılanysty jer ýchaskelerin nemese ózge de jyljymaıtyn múlikti májbúrlep ıelikten shyǵarýdy bastaý týraly» qaýly qabyldandy.

«Memlekettik múlik týraly» Qazaqstan Respýblıkasy Zańynyń 67-babyna sáıkes, jeke sektordyń jer telimderin satyp alýǵa josparlanǵan bıýdjet qarajatynyń kólemi baǵalaý nátıjesinde jasalǵan táýelsiz baǵalaýshy kompanııalardyń esebi negizinde aıqyndalady», - dep atap ótti vedomstvodan.

Buǵan deıin Almaty ákimdigi 2023 jyly «Qalqaman» jańa metro stansasyn salý jáne birneshe kóshe men dańǵyldy uzartý úshin jer telimderin satyp alýdy aıaqtaıtynyn aıtqan bolatyn.