Almatyda metall óńdeý tsehynan órt shyqty
ALMATY. QazAqparat – Almatyda túrli-tústi metaldy qaıta óńdeý tsehynan órt shyqty, dep habarlaıdy QazAqparat tilshisi.
Almaty qalalyq TJD habarlaýynsha, búgin tańǵy saǵat 06:59 - da órt sóndirý bólimine Áýezov aýdanynyń turǵynynan Raıymbek dańǵyly, 348 meken-jaıynda órt shyqqany týraly aqparat tústi.
«Oqıǵa ornyna 6 mınýtta kelgen órt sóndirý brıgadasy túrli-tústi metaldy qaıta óńdeý tsehynda elektr transformatorynyń janyp jatqanyn anyqtady. Qyzyl jalyn tseh tóbesine taralyp úlgergen. Aldyn-ala aqparat boıynsha órt 150 sharshy metr jerdi sharpyǵan»,- dep habarlady qalalyq TJD baspasóz qyzmeti.
Vedomstvo málimetinshe órt 08:57- de oqshaýlandy.
Órttiń shyǵý sebebi anyqtalyp jatyr.
Buǵan deıin atalǵan aýdanda boıaý ónimderi turǵan garaj órtengen bolatyn.
