Almatyda meshitke kelýshilerdiń jeke zattaryn qoldy etken kúdikti ustaldy
ALMATY. QazAqparat – Kúdikti bir aı boıy Naýryzbaı aýdanyndaǵy meshitte adamdardyń jeke zattaryn urlaýmen aınalysqan, dep habarlaıdy QazAqparat tilshisi.
«Anyqtalǵandaı, kúdikti D. 1992 jyly týǵan. Ol meshitke namaz kezinde kelgen. Yńǵaıly sátte meshitke kelýshilerdiń syrtqy kıiminiń qaltalaryn aqtaryp, aqshalaryn urlap júrgen»,– deıdi Naýryzbaı aýdandyq polıtsııa basqarmasynyń bastyǵy Dıdar Ahanov.
Kúdiktige qatysty QRQK 188-babynyń 3-bóligi boıynsha sotqa deıingi tergeý sharalary bastaldy. Ol ýaqytsha ustaý ızolıatoryna qamaldy.
