Almatyda meshitke kelýshi jamaǵattar arasynda fýtboldan jarys ótti
ASTANA. QazAqparat - Búgin Almatyda Ál-Farabı atyndaǵy Qazaq Ulttyq ýnıversıtetiniń stadıonynda fýtboldan meshitke kelýshi jamaǵattar arasyndaǵy kezekti jarys ótti, dep habarlaıdy QazAqparat.
«Asyl mura» baǵdarlamasy aıasynda uıymdastyrylǵan kezdesýler «Ismıhan» jáne «Raıymbek» meshitteri ókilderi arasynda toptyq jáne olımpıadalyq júıesi boıynsha ótkizildi. Bul týrnırge 20 komanda tirkelip onyń 16-sy Raıymbek meshitiniń ókilderi boldy. Nátıjesinde «Dýman» komandasy birinshi oryndy ıelenip, aldaǵy aýdandyq kezeńge joldama aldy. Al, ekinshi jáne úshinshi orynǵa «Dostar» men «Jamaǵat» ujymdary jaıǵasty.
Ekinshi - «Ismıhan» meshit jamaǵattarynyń arasynda altyndy «Aqsý» komandasy utyp alsa, kúmis jáne qola medaldardy «Beıbarys» pen «Sálim» oıynshylary aldy.
Sonymen, jeńimpazdar men júldegerler medaldarmen marapattalsa, birinshi oryn alǵan komandalar aýdandyq kezeńge joldama aldy.
«Asyl mura» baǵdarlamasy meshitke kelýshi jamaǵattar arasynda buqaralyq sportty damytý maqsatynda júzege asyryldy.
