Almatyda merzimdi basylymdardyń keńsesine qaraqshylyq shabýyl jasaǵan azamat ustaldy
ASTANA. Mamyrdyń 5-i. QazAqparat /Aıdar Ospanalıev/ - Sáýirdiń 28-i kúni Almatyda elimizdegi eki merzimdi basylymnyń keńsesine qaraqshylyq shabýyl jasaǵan 26 jasar jergilikti turǵyn ustaldy.
Bul týraly búgin jýrnalıstermen bolǵan aptalyq brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Onyń aıtýynsha, 26 jasar atalmysh azamat halyqaralyq izdeýde júrgen. Sáýirdiń 18-i kúni túngi saǵat 3-00 shamasynda álgi azamat pen taǵy belgisiz 3 adam beısbol oıynyna arnalǵan keltektermen merzimdi basylymdardyń biriniń keńsesine kirip kelip, kúzetshilerdi soqqyǵa jyǵyp, 5,5 mıllıon teńgeni alyp ketken. Qazirgi tańda qylmystyq árekettiń ózge de qatysýshylary izdestirilýde.
